Foto: Sputnik
Shymkentte sybailas jemqorlyqqa qarsy qyzmet qalanyń bilim bóliminiń bas mamanyna qatysty sotaldy tergeýdi bastady, - dep habarlaidy "Ult aqparat" Shymkent qalasy prokýratýrasynyń baspasóz qyzmetine silteme jasap.
"11 qańtarda Sybailas jemqorlyqqa qarsy is qimyl Agenttiginiń Shymkent qalasy boiynsha departamenti Qylmystyq kodekstiń 366-baby 3-bóligimen sotaldy tergep-tekserýdi bastady. Bul derek boiynsha Shymkent qalasynyń bilim bóliminiń laýazymdy tulǵalary kúdikke ilindi.
Qalalyq bilim bóliminiń bas mamany Sh.A. balabaqsha basshylarynan balabaqshalardy tekserýge qatysty oń sheshim qabyldaý úshin birneshe ret (800 myń teńge) para alý deregi anyqtaldy" - delingen habarlamada.
Osy qylmysty jasady degen kúdikpen qalalyq bilim bóliminiń bas mamany Sh.A. ustalyp, ol óz jaýabynda qylmys jasaǵanyn tolyq moiyndaǵan. Sh.A-ǵa qatysty úiqamaq túrindegi bultartpaý sharasy tańdaldy.
Qazirgi ýaqytta is boiynsha sotaldy tergeý júrgizilip jatyr. Kúdiktiniń kinásiniń dárejesi týraly túpkilikti sheshimdi sot shyǵarady.
