© AP Photo / Jean-Francois Badias
Shymkent bilim basqarmasynyń laýazymdy tulǵalary júieli jemqorlyq qylmystar úshin sottaldy, dep habarlaidy "Ult aqparat" Sybailas jemqorlyqqa qarsy is-qimyl agenttigine silteme jasap.
"Shymkent qalasynyń qylmystyq ister jónindegi aýdanaralyq soty bilim basqarmasynyń mamandary A. Shindaýlova men M. Meiirbekovaǵa qatysty úkim shyǵardy. Atalǵan adamdar 36 mln teńge kóleminde aiyppul tóleýge mindetteldi.
Olar jekemenshik mektepke deiingi mekemelerde tekseris júrgizbeý úshin mekeme basshylarynan 100 myńnan 500 myń teńgege deiingi somada júieli negizde para alǵany úshin kináli dep tanyldy.
Sottalǵandar memlekettik qyzmette, jergilikti ózin-ózi basqarý organdarynda, qarjy uiymdarynda jáne kvazimemlekettik sektorda qyzmet atqarý quqyǵynan ómir boiyna aiyryldy" - delingen habarlamada.
Sot úkimi zańdy kúshine engen joq.
"Sonymen qatar Departament bilim berý salasyndaǵy jemqorlyq táýekelderin syrtqy taldaý barysynda biýdjet qarajatyn jymqyrý shemasyn anyqtady. Máselen, eki qalalyq mekteptiń býhgalteri 2020-2023 jyldar kezeńinde óziniń jeke shotyna mektep qyzmetkerlerine eńbekaqy tóleý qoryna bólingen 67 mln teńgeden astam qarajatty zańsyz aýdarǵan.
Sonymen qatar mektep direktorlary men olardyń qaramaǵyndaǵylardyń komandalyq qozǵalysy aitarlyqtai jemqorlyq táýekelderine alyp keledi.
Shymkent qalasy boiynsha Sybailas jemqorlyqqa qarsy qyzmet qalalyq bilim berý salasyndaǵy buzýshylyqtardyń alǵysharttaryn joiý boiynsha tiisti usynymdar engizdi.
Búgingi tańda kelesi nátijelerge qol jetkizildi:
1. beiindi basqarmalar tarapynan monitoring túrindegi bilim berý mekemelerin negizsiz tekserý múmkindigi alynyp tastaldy;
2. Memlekettik bilim berý tapsyrysyn alýshylar tizbesine engizý jónindegi Komissiia múshelerin jasandy ulǵaitý shemasy joiyldy;
3. gosreestr.kz elektrondyq alańdy ainalyp ótý úshin úi-jailardy jalǵa berý praktikasy toqtatyldy. 54 mektep direktory tártiptik jaýapkershilikke tartyldy;
4. tek bir kompaniia mektep ashanalaryn tsifrlandyrý boiynsha qyzmetter kórsetkeni aiasynda Básekelestikti qorǵaý jáne damytý departamenti básekelestikke qarsy sharttardy buzý boiynsha uiǵarymdar engizdi" - delingen vedomstvo habarlamasynda.
Sybailas jemqorlyqqa qarsy qyzmet bilim berý salasyndaǵy júieli jemqorlyq kórinisterin joiý boiynsha jumysty jalǵastyryp jatyr.
