Sýret: sxodim.kz
Sybailas jemqorlyqqa qarsy is-qimyl agenttiginiń Shymkenttegi departamenti qala prokýratýrasymen birlese otyryp, "Muz saraiyn" memleket menshigine qaitarý boiynsha sharalar qabyldaǵan. Agenttiktiń málimetinshe, Shymkenttegi "Muz saraiy" memlekettiń baqylaýyna qaitarylyp jatyr.
"Departament qala prokýratýrasymen birlesip “Muz saraiyn” memleket menshigine qaitarý boiynsha sharalar qabyldady. Biyl 27 mamyrda birinshi satydaǵy sot “Sport saraiy” JShS úlesin (67%) jeke menshikke 128 million teńgege satyp alý-satý shartynyń kúshin joidy", – dep habarlady óńirdegi departament basshysy.
Sot sheshimi zańdy kúshine engen joq.
Aita keteiik, Shymkent ákimdigi 2017 jyly shahardaǵy eń iri nysannyń biri – "Muz saraiyn" 128 million teńgege satqan edi. Qalanyń baspasóz qyzmeti sol ýaqytta nysandy "MunaiQurylysServis" JShS kompaniiasy satyp alǵanyn málimdedi. Artynsha bul kompaniia shymkenttik kásipker Serikjan Seitjanov tiesili ekeni belgili boldy.
