Shymkentte eki balanyń anasy uryǵa toitarys berip, óz telefonyn qaitaryp aldy, - dep habarlaidy Tengrinews.kz saity.
Shymkent turǵyny balasymen kóshede júrgende, belgisiz er adam onyń artqy qaltasynan telefonyn sýyryp alǵan. Alaida áiel abdyrap qalmai, urynyń artynan júgirip, ony jerge qulatqan. Áielge kórshisi de kómekke kelipti. Nátijesinde ol telefonyn qaitaryp alǵan.
Videodaǵy áieldiń esimi - Svetlana. Onyń aitýynsha, oqiǵa 24 qazanda saǵat 17:00 shamasynda 16-shaǵynaýdanda bolǵan. Svetlana er adam oǵan birden kúdikti bolyp kóringenin jetkizdi.
Áiel kishkentai balasymen saǵyzdyń qabyn ashý úshin toqtaǵan sátti ury óz paidasyna qoldanǵysy kelgen.
"Men balaǵa alańdap turdym, saǵyzdy ashyp jattyq. Qarasam, er adam maǵan qarai jaqyndap kele jatyr. Sonsha oryn bar, nege qasymnan ótkisi keldi, birdeńe kúdikti dep oiladym. Sodan keiin qolyn shyǵaryp jatqanyn kórdim. Ne úshin bulai istep jatyr dep oiladym. Artqy qaltamda telefon boldy. Ol telefondy julyp aldy, men de ony kiiminen ustap aldym. Onyń artynan júgirdim, qolymdaǵy paketter kedergi boldy. Olardy laqtyryp tastadym", - deidi Svetlana.
Keiin Svetlana uryny jerge jyǵyp qulatqan. Áieldiń daýysyn kórshisi estip, oǵan kómekke kelgen.
"Men aiǵailap, boqtap jattym. Jaqyn mańda er adam otyrdy. Ol "seni kórdim, aiaǵym aýyrady, áreń júgirip jettim" deidi. Ol birneshe ret urdy, al men telefondy alyp, balama qaita júgirdim. Munyń bári lezde boldy. Politsiia shaqyrǵan joqpyz, ol ustalmady, jónine ketti", - deidi áiel.
Svetlananyń sipattamasyna sáikes, qaraqshy shamamen 35-40 jasta, betinde tyrtyqtary bar.
Eki balanyń anasynyń sózinshe, ol eshqashan sportpen ainalyspaǵan.
"Meniń eki balam bar. Úlkeni 16-da, kishkentaiy áli 2 jasqa tolmady. Kúrespen ainalyspaimyn, ózim sondaimyn. Eshqashan sportpen ainalysqan emespin", - dedi ol.
