Foto: videodan alynǵan kadr
Foto: videodan alynǵan kadr
Shymkent qalasy turǵyn úi basqarmasynyń basshysy qalanyń seismikalyq qaýipsizdigin qamtamasyz etýge bólingen biýdjet qarajatyn jymqyrdy degen kúdikke ilindi, - "Ult aqparat" Kazinformǵa silteme jasap.
Memleket basshysynyń tapsyrmasyn oryndaý barysynda Sybailas jemqorlyqqa qarsy qyzmet seismikalyq qaýipsizdik, tabiǵi jáne tehnogendik sipattaǵy basqa da tótenshe jaǵdailar salasynda tekserý júrgizip jatyr.
Osyndai tekserýdiń nátijesinde Shymkent qalasy boiynsha sybailas jemqorlyqqa qarsy is-qimyl departamenti Shymkent qalasy turǵyn úi basqarmasy basshysynyń m. a. qatysty sotqa deiingi tergeýdi bastady.
Ol qalanyń 216 turǵyn úiiniń seismikalyq turaqtylyǵyn tehnologiialyq tekserý jumysyn oryndaýǵa bólingen asa iri mólsherdegi qarjyny bir top adammen aldyn ala sóz bailasý arqyly jymqyrdy dep aiyptalyp otyr.
Zalaldyń aldyn ala somasy — 120 mln teńge.
Qatar júrgen qarjylyq tergeý barysynda sheneýniktiń anasyna resimdelgen Túrkistan oblysy Qazyǵurt aýylynda monsha keshenin salý arqyly jymqyrylǵan qarajatty zańdastyrdy degen nusqa tekseriledi.
Qazirgi ýaqytta ol Shymkent qalasy politsiiasynyń ýaqytsha izoliatoryna qamaýǵa alyndy.
Tergeý jalǵasyp jatyr.
Qylmystyq-protsestik kodeksiniń 201-babyna sáikes ózge aqparat jariialanbaidy.
