Foto: Polisia.kz
Shymkent qalasynda politsiia qyzmetkerleri aldyn ala josparlanǵan shema boiynsha áreket etip, azamattardan aqsha bopsalaǵan qylmystyq toptyń jolyn kesti, dep habarlaidy Ult.kz.
Top quramynda eki áiel men úsh er adam bolǵan. Jábirlenýshilerdiń biri politsiiaǵa aryz túsirip, 800 myń teńgesin tartyp alǵandaryn, sonymen qatar uryp-soqqanyn jetkizgen.
Tergeý barysynda kúdiktilerdiń áreketi muqiiat josparlanǵany anyqtaldy. Olar áleýmettik jeliler arqyly er adamdarmen tanysyp, jalǵan senimge kirip, jaldamaly páterlerge kezdesýge shaqyrǵan. Kezdesý barysynda páterge olardyń sybailastary kirip kelip, ózderin qyzdardyń týystary, ne quqyq qorǵaý qyzmetkerleri retinde tanystyryp, “máseleni sheshý” syltaýymen aqsha talap etken.
Ustalǵandardyń telefondaryn tekserý kezinde osyǵan uqsas basqa da qylmystyq áreketterdiń belgileri anyqtaldy. Qazirgi ýaqytta basqa jábirlenýshilerdi anyqtaý jáne qylmystyq áreketterdi tolyq qujattaý jumystary jalǵasýda.
Barlyq kúdiktiler ustalyp, qamaýǵa alyndy. Qylmystyq is qozǵaldy.
