Shymkentte arnaiy operatsiia ótti: Politsiia «Garant» dúkenindegi uialy telefon satýshylardy ustap áketti. Arnaiy jasaq Táýke han dańǵyly men Baitursynuly kóshesiniń qiylysyndaǵy joldar men jaiaý júrginshi jolyn qorshaýǵa aldy, - dep habarlaidy Otyrar.kz.
"Shymkenttegi Táýke han jáne Baitursynov kóshesiniń qiylysyndaǵy «Garant» dúkeniniń mańy - uialy telefon satatyn ortalyq ispetti. Munda buryn qoldanysta bolǵan uialy telefon saýdalaityndar qaptap júredi. Ózge aǵym ókilderi qalaǵanyńyzdy taýyp berýge ázir. Qymbat baǵaly uialy telefondardy qaltaǵa qonymdy baǵaǵa satyp alasyz. Tipti, arasynda urlanǵan bailanys quraldarynyń satylýy da ǵajap emes.
Qalalyq ákimdik pen tártip saqshylary atalǵan orynda birneshe ret «tazalyq jumystaryn» júrgizgen. Alaida «qýǵynǵa» ushyraǵandar «Mega» saýda ortalyǵy mańyna qarai jylystap, qaitadan burynǵy oryndaryn «basyp alatyn». Dál osy dúkenniń aldyndaǵy avtoturaqty da ázir retke keltirgen-tin jaýaptylar. Eki kósheniń qiylysy bolǵandyqtan atalǵan avtoturaq kólik keptelisiniń oryn alýyna sebepshi edi" delingen jergilikti basylym jazbasynda.
Tártip saqshylary zańsyz saýda orynyna ainaldyrǵandardyń barlyǵyn ustap áketken. Politsiia men arnaiy jasaq áskerleri kósheni, jolaiaqtardy jaýyp tastap, bir sátte saýdagerlerdi kólikke toǵytyp úlgergen. Resmi organdar tarapynan ázirge eshqandai málimet joq.
