Foto: kursiv,media
Shymkentte 9 jyl buryn adam óltirgen kúdikti ustaldy. Kúdikti ýaqytsha ustaý izoliatoryna qamaýǵa alyndy, dep habarlaidy «Ult aqparat» Shymkent qalasy Politsiia departamentiniń baspasóz qyzmetine silteme jasap.
Arys qalasynyń turǵyny 2015 jyly úsh adamdy atyp, oqiǵa ornynan boi tasalaǵan. Sol sátte jábirlenýshiniń biri alǵan jaraqatynan aýrýhanada kóz jumdy. Sodan er adamǵa halyqaralyq izdeý jariialandy.
Qaýipti qylmyskerdi Eńbekshi aýdandyq politsiia bóliminiń ýchaskelik inspektory Sáken Aqbaev anyqtady. Únemi bas kiim kiip, bet-álpetin jasyrýǵa tyrysyp júretin jigitten tártip saqshysy kúdiktengen. Kólik jóndeý ortalyǵyna jaqynda jumysqa ornalasqanyn bilgennen keiin inspektor er azamattyń jeke basyn anyqtady.
"Tártip saqshysy oqiǵa týraly dereý jedel-tergeý tobyna habarlap, áriptesterimen birge qashqyndy qolǵa túsirdi. Qazir kúdikti qamaýda. Ol Arystyń quqyq qorǵaýshylaryna tapsyrylatyn bolady", - delingen aqparatta.
