فوتو: kursiv,media
شىمكەنتتە 9 جىل بۇرىن ادام ٶلتٸرگەن كٷدٸكتٸ ۇستالدى. كٷدٸكتٸ ۋاقىتشا ۇستاۋ يزولياتورىنا قاماۋعا الىندى, دەپ حابارلايدى «ۇلت اقپارات» شىمكەنت قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ارىس قالاسىنىڭ تۇرعىنى 2015 جىلى ٷش ادامدى اتىپ, وقيعا ورنىنان بوي تاسالاعان. سول سەتتە جەبٸرلەنۋشٸنٸڭ بٸرٸ العان جاراقاتىنان اۋرۋحانادا كٶز جۇمدى. سودان ەر ادامعا حالىقارالىق ٸزدەۋ جارييالاندى.
قاۋٸپتٸ قىلمىسكەردٸ ەڭبەكشٸ اۋداندىق پوليتسييا بٶلٸمٸنٸڭ ۋچاسكەلٸك ينسپەكتورى سەكەن اقباەۆ انىقتادى. ٷنەمٸ باس كيٸم كيٸپ, بەت-ەلپەتٸن جاسىرۋعا تىرىسىپ جٷرەتٸن جٸگٸتتەن تەرتٸپ ساقشىسى كٷدٸكتەنگەن. كٶلٸك جٶندەۋ ورتالىعىنا جاقىندا جۇمىسقا ورنالاسقانىن بٸلگەننەن كەيٸن ينسپەكتور ەر ازاماتتىڭ جەكە باسىن انىقتادى.
"تەرتٸپ ساقشىسى وقيعا تۋرالى دەرەۋ جەدەل-تەرگەۋ توبىنا حابارلاپ, ەرٸپتەستەرٸمەن بٸرگە قاشقىندى قولعا تٷسٸردٸ. قازٸر كٷدٸكتٸ قاماۋدا. ول ارىستىڭ قۇقىق قورعاۋشىلارىنا تاپسىرىلاتىن بولادى", - دەلٸنگەن اقپاراتتا.
