Shymkentte 67 adam karantinge jabylǵan. Olar koronavirýs qaýiptiligi jaǵynan «A» sanatyna jatatyn Qytai, Ońtústik Koreia, Iran jáne Italiia memleketterinen kelgen, dep habarlaidy "Ult aqparat".
Qalalyq juqpaly aýrýlar aýrýhanasynyń bas dárigeri Amangeldi Nurlybaevtyń málimetinshe, provizorlyq gospitalde koronavirýs qaýiptiligi jaǵynan «A» sanatyna jatqyzylǵan elderden kelgen azamattar baqylaýǵa alynǵan. Olardan 14 kún boiyna túrli synamalar alynyp, tekserýden ótedi. Karantinge jabylǵandardyń deni Ońtústik Koreiadan kelgen orta jastaǵy er azamattar.
Búginde gospital koronavirýs belgilerimen túsken naýqastardy qabyldaýǵa tolyqtai jabdyqtalǵan. Sondai-aq, dárigerler men medbikeler arnaiy dáristerden ótip, koronavirýsqa shaldyqqan naýqastarmen jumys júrgizý qaǵidalaryn meńgergen.
«Bizge naýqastar áýejaidan jetkizilip jatyr. Olardy aldymen Shymkent qalasy taýarlarmen kórsetiletin qyzmetterdiń sapasy men qaýipsizdigin baqylaý departamenti qyzmetkerleri tekseredi. Sonan soń bizge alyp keledi osynda. Búgingi kúnge provizornyi gospitalda 67 adam jatyr»,- deidi Amangeldi Nurlybaev.
