Shymkentte alty balany qamqorlyǵyna alyp, olardy qinady dep kúdikke ilingen azamattyń ústinen qylmystyq is qozǵaldy. Mamandardyń sózinshe ol balalardy jumysqa jegip, jýyndyrmai, aiaq-qolyn bailap ustaǵan, dep habarlaidy "Ult aqparat" Otyrar.kz-ke silteme jasap.
Shymkentte alty balany qamqorlyǵyna alyp, olardy qinady dep kúdikke ilingen azamattyń ústinen qylmystyq is qozǵaldy.
Qalalyq ombýdsmen Janneta Jazyqbaevanyń aitýynsha 2021 jyly shymkenttik turǵyn 6 balany asyrap alǵan. Ol balalardy jumysqa salyp, tipti jýynýǵa da múmkindik bermepti.
"Kishkentai úide turady. Ishi endi qap-qara, las. Balalardyń ózi qatty aryq. Buryn soǵys kezindegi kontslagerdegi balalar siiaqty bolyp qalǵan. Balalardyń denesindegi kógergeni, qyzarǵany bári bar. Beseýi sóilei de almaidy. Óitkeni olardy túnde uiyqtaǵan kezde ústin qasymasyn dep aiaq-qolyn bailap qoiady eken. Sebebi der kezinde shomylmaǵan. Tamaq boiynsha úlken balasynan suraǵan kezde saraidaǵy it-mysyqtardy soiyp beredi degen. Sarailaryn qarap shyqtyq. Onda 3 mysyq bailaýly turdy", – deidi Shymkenttegi bala quqyqtary jónindegi ýákil Janneta Jazyqbaeva.
Qiyn jaǵdaiǵa tap bolǵany jaily balalardyń úlkeni habarlasyp kómek suraǵan. Qazir 3-eýi bóbekter úiine tabystalsa, ekeýi balalar úiine jaiǵastyrylǵan.
"Úlken uly balalar úiiniń basshysyna shyǵyp, kómektesińizdershi, urady-soǵady dep habarlasqan. Sonymen qatar 5 bala boiynsha video-sýretter jibergendikten qamqorshylyq uiymmen birge baryp qaradyq. Zerdeleý barysynda birneshe fakti anyqtaldy. Balalardy eńbekke tartqan, qarny ash, kiimderi jyrtyq, las bolǵan. Sondyqtan balalardy alyp, bóbekter úii men balalar úiine tapsyrdyq. Asyrap alǵan kisiniń ústinen qylmystyq is qozǵaldy. Kóp faktiler anyqtalyp jatyr", – deidi Shymkenttegi bala quqyqtary jónindegi ýákil Janneta Jazyqbaeva.
Qalalyq Politsiia departamentiniń málimetinshe, qazir kúdiktiniń ústinen QK 110- qinaý baby boiynsha tergeý áreketi aiaqtalyp, barlyq is-qujat sotqa joldanǵan.
Atalǵan is boiynsha tergeý áreketteri aiaqtaldy, barlyq is-qujattar sotqa joldandy, – deidi Shymkent qalasy PD baspasóz qyzmeti.
