Shymkentte 46 mln teńge salyq tólemegeni úshin izdeýde júrgen turǵyndy prokýrorlar izdep tapty. Qadaǵalaý organynyń ókilderi seriktestik direktorynyń jasyrynǵan jerin áleýmettik jeli arqyly anyqtaǵan, dep habarlaidy "Ult aqparat".
Qalalyq prokýratýranyń baspasóz qyzmeti «O» esimdi boryshkerge 2018 jyldyń qyrkúiek aiynda izdeý jariialaǵanyn jariia etti. Onyn memleket aldyndaǵy qaryzy 46 mln teńgeden asyp ketken. Jekemenshik seriktestikke jetekshilik ete tura ol 2011-2015 jyldar aralyǵynda tabys salyǵyn tólemei kelgen. Keiinnen sot úkimimen ákimshilik jazaǵa tartylǵan. Alaida kásipker tabylmaǵan soń, atqarýshylyq is-áreketter ýaqytsha toqtatylǵan. Odan beri bir jyldan asa ýaqyt ótse de, boryshkerdiń júrgen jeri anyqtalmaǵan.
«Qala prokýratýrasy aqparattyq júieler men áleýmettik jeliler arqyly boryshkerdiń júrgen jerin anyqtap, sol jerge ózderi barǵan. Sóitip qashqyn kásipkerdi ustap, dereý sot oryndaýshylaryna jetkizdi. Kelesi kúni boryshkerge qatysty sot aktisin oryndamaǵany úshin ákimshilik is qozǵalyp, 12 625 teńge kóleminde aiyppul salyndy. Boryshker qalalyq mamandandyrylǵan ákimshilik sotynyń qaýlysyna sai ÁQBtK 669-babymen kináli dep tanyldy. Sot sheshiminiń ári qarai oryndalýy prokýrorlardyń baqylaýynda bolady» delingen habarlamada.
