شىمكەنتتە 46 ملن تەڭگە سالىق تٶلەمەگەنٸ ٷشٸن ٸزدەۋدە جٷرگەن تۇرعىندى پروكۋرورلار ٸزدەپ تاپتى. قاداعالاۋ ورگانىنىڭ ٶكٸلدەرٸ سەرٸكتەستٸك ديرەكتورىنىڭ جاسىرىنعان جەرٸن ەلەۋمەتتٸك جەلٸ ارقىلى انىقتاعان, دەپ حابارلايدى "ۇلت اقپارات".
قالالىق پروكۋراتۋرانىڭ باسپاسٶز قىزمەتٸ «و» ەسٸمدٸ بورىشكەرگە 2018 جىلدىڭ قىركٷيەك ايىندا ٸزدەۋ جارييالاعانىن جارييا ەتتٸ. ونىن مەملەكەت الدىنداعى قارىزى 46 ملن تەڭگەدەن اسىپ كەتكەن. جەكەمەنشٸك سەرٸكتەستٸككە جەتەكشٸلٸك ەتە تۇرا ول 2011-2015 جىلدار ارالىعىندا تابىس سالىعىن تٶلەمەي كەلگەن. كەيٸننەن سوت ٷكٸمٸمەن ەكٸمشٸلٸك جازاعا تارتىلعان. الايدا كەسٸپكەر تابىلماعان سوڭ, اتقارۋشىلىق ٸس-ەرەكەتتەر ۋاقىتشا توقتاتىلعان. ودان بەرٸ بٸر جىلدان اسا ۋاقىت ٶتسە دە, بورىشكەردٸڭ جٷرگەن جەرٸ انىقتالماعان.
«قالا پروكۋراتۋراسى اقپاراتتىق جٷيەلەر مەن ەلەۋمەتتٸك جەلٸلەر ارقىلى بورىشكەردٸڭ جٷرگەن جەرٸن انىقتاپ, سول جەرگە ٶزدەرٸ بارعان. سٶيتٸپ قاشقىن كەسٸپكەردٸ ۇستاپ, دەرەۋ سوت ورىنداۋشىلارىنا جەتكٸزدٸ. كەلەسٸ كٷنٸ بورىشكەرگە قاتىستى سوت اكتٸسٸن ورىنداماعانى ٷشٸن ەكٸمشٸلٸك ٸس قوزعالىپ, 12 625 تەڭگە كٶلەمٸندە ايىپپۇل سالىندى. بورىشكەر قالالىق مامانداندىرىلعان ەكٸمشٸلٸك سوتىنىڭ قاۋلىسىنا ساي ەقبتك 669-بابىمەن كٸنەلٸ دەپ تانىلدى. سوت شەشٸمٸنٸڭ ەرٸ قاراي ورىندالۋى پروكۋرورلاردىڭ باقىلاۋىندا بولادى» دەلٸنگەن حابارلامادا.
