Shymkentte 1 maýsymynan bastap JRVI diagnozymen 1030 jáne pnevmoniia diagnozymen 360 naýqas aýrýhanaǵa jatqyzylǵan. Bul týraly qala ákimdiginde ótken infektsiialyq aýrýlardyń taralýy boiynsha jinalysta sóz boldy, dep habarlaidy "Ult aqparat".
Jinalysta baiandama jasaǵan qalalyq densaýlyq saqtaý basqarmasynyń basshysy R.Albaev jyl basynan beri pnevmoniiadan kóz jumǵandar sany 0,6 paiyzǵa jetkenin atap ótti. Búginde pnevmoniia dertin juqtyryp, aýrýhanaǵa kelip jatqandar 50 men 68 paiyz aralyǵynda bolǵan.
«Sońǵy bir aidyń ishinde pnevmoniia dertine shaldyǵyp qaza tapqan naýqastardyń qant diabeti, arteriialyq gipertenziia, ókpeniń ishemiialyq aýrýlary syndy qosalqy aýrýlary bolǵan. Al, búginge deiin qalada koronavirýs infektsiiasymen aýyrǵan 1404 azamat tirkelgen. Al, 1027-i azamat aýrýdyń belgileri joq tasymaldaýshy bolyp tirkelgen. Infektsiiaǵa shaldyqqandardyń basym bóligi - eresek azamattar. Koronavirýsqa shaldyqqan 624 naýqas dertinen aiyǵyp, aýrýhanadan shyǵarylǵan. Ókinishke qarai, 13 naýqas koronavirýs infektsiiasynan kóz jumdy. Al meditsina qyzmetkerleri arasynda koronavirýs infektsiiasynyń 379 jaǵdaiy tirkelgen», - dedi basqarma basshysy.
Májiliste qala basshysy Murat Áitenov tek qana koronavirýs emes, JRVI men pnevmoniiaǵa shaǵym bildirýshiler sany artyp otyrǵanyn atap ótti. Onyń sózinshe, epidemiologiialyq jaǵdaiǵa bailanysty aldyn ala karantindik jáne provizorlyq statsionarlar kúsheitilgen.
Infektsiialyq aýrýlardyń kóbeiýine bailanysty qala ákiminiń tapsyrmasymen búginge deiin 650 juqpaly jáne 1240 provizorly tósek-oryn ashylsa, aldaǵy ýaqytta 1500 tósek-oryn paidalanýǵa beriledi.
Infektsiialyq statsionardy jabdyqpen qosymsha qamtamasyz etý úshin 502 mln teńgege, 21 apparat satyp alyndy, qosymsha taǵy 40 ókpeni jasandy jeldetý apparaty jetkizilmek.
Aita keteiik, kúni keshe brifingke qatysqan qala ákiminiń birinshi orynbasary Erbol Sadyr sońǵy úsh táýlikte pnevmoniiadan 20-dan astam adam qaitys bolǵanyn aitqan edi.
«Qosymsha sozylmaly aýrýlary bar azamattar da pnevmoniia, JRVI aýrýlaryn kóterip jiberip jatyr. Ol aýrýlar da azamattardyń qaitys bolýyna áser etýde. Keshegi kúnge pnevmoniiamen aýyr jaǵdaida kelgen 8 adam qaitys bolyp ketti. Aldyńgúni 4 adam kóz jumǵan. Onyń aldynda beseý, onyń aldynda úsheý bolǵan edi. Endi kúnige ártúrli jaǵdailar tirkelýde», - dedi Erbol Sadyr.
