Foto: Video kadry
Shymkentte 34 jastaǵy Áziza Álieva onynshy balasyn dúniege ákeldi, - dep habarlaidy Ult.kz "Otyrar"-ǵa silteme jasap.
27 qarasha kúni Zýbair esimdi batyr bala dúniege keldi.
"Júktilik jaqsy ótti, náreste ózin jaqsy sezinedi. Dárigerlerge rahmet, bári kelip, tekseredi. Bala kútimi joǵary deńgeide", - deidi Aziza Qalieva.
Bul kópbalaly ananyń 14-shi júktiligi. Úide Aziza men jańa týǵan náresteni bes uly men tórt qyzy kútip otyr.
Dárigerler ana men balanyń jaǵdaiyn turaqty ekenin aitty.
"Bosanǵan áielde buryn eki kesar tiligi bolǵanyn eskersek, operatsiia sátti ótti. Bala salmaǵy - 4940 gramm, ol 38 aptada dúniege keldi. Qazir ol neonatolog-dárigerlerdiń baqylaýynda, áieldiń jaǵdaiy turaqty", - dedi akýsher-ginekolog Janar Omarova.
Jyl basynan beri Shymkent qalalyq perinataldyq ortalyǵynda 7 517 bala, onyń ishinde 707 - shala týǵan, 96 - egiz jáne 13 - úshem dúniege keldi.
Eske salaiyq, buǵan deiin 2025 jyly Qazaqstanda qandai tólemder men járdemaqylar ósetinin jazǵan bolatynbyz. Onyń ishinde kópbalaly analarǵa beriletin járdemaqylar da bar.
