9 maýsymda Shymkent qalasynda koronavirýs infektsiiasyn juqtyrǵan 14 adam tirkelgen, dep habarlandy COVID-19 taralýyna jol bermeý jónindegi vedomstvoaralyq komissiianyń Telegram paraqshasynda.
«PTR diagnostikalyq zertteý nátijeleri boiynsha COVID-19 virýsy 6 áiel adam, 5 er adam jáne 3 kishkentai baladan anyqtaldy. Olardyń 5-ýi virýsty juqtyrǵandarmen jaqyn qarym-qatynasta bolǵan, 6-ýy JRVI diagnozymen statsionarǵa jatqyzylǵan, 2-i alǵashqy meditsinalyq jedel kómekke JRVI belgilerimen júgingen, 1-i statsionarǵa josparly túrde jatqyzý aldynda tekserilgen», delingen habarlamada.
Barlyǵy tiisinshe juqpaly aýrýlar statsionaryna jatqyzylǵan.
Qazirgi tańda naýqastardyń jaǵdaiy qanaǵattanarlyq, bekitilgen hattamaǵa sáikes tiisti em alyp jatyr.
Profilaktikalyq is-sharalardy júrgizý úshin naýqastarmen qarym-qatynasta bolǵan adamdar anyqtalýda. Aýrý oshaqtarynda dezinfektsiia jasaldy.
Shymkentte koronavirýs infektsiiasyn juqtyrǵan 992 adam anyqtalǵan, olardyń ishinde 443-i jazylyp shyqqan.
