Foto: Polisia.kz
Shymkentte 2,5 mln teńgeniń velosipedterin urlaǵan kúdikti quryqtaldy. Ustalǵan azamattyń buryn sotty bolǵany anyqtaldy, – dep habarlaidy «Ult aqparat» Polisia.kz-ke silteme jasap.
Birneshe aidyń ishinde kúdikti 21 turǵyndy eki dóńgelekti temir tulparsyz qaldyrǵan. Keltirilgen shyǵynnyń jalpy somasy – 2,5 mln teńgege jýyq. Qaskói kópqabatty úilerdiń kireberisine kirip, baspaldaq alańynda qaldyrylǵan velosipedterdi urlaýmen ainalysqan.
Al dóńgelekti qulyptaý qurylǵylaryn qysqyshpen kesip júrgen. Kúdiktini tártip saqshylary beinebaqylaý kameralarynyń kómegimen anyqtady. Ol buryn urlyq jasaǵany úshin sottalǵan qala turǵyny bolyp shyqty. Retsidivist qamaýǵa alyndy.
Ál-Farabi APB tergeýshileri barlyq aiǵaqty jinap, qylmystyq isti sotqa joldady. Bul zańsyz áreketi úshin er adam 2 jyldan 7 jylǵa deiingi merzimge bas bostandyǵyn shekteýge, ne sol merzimge bas bostandyǵynan aiyrýǵa jazalanýy múmkin.
