فوتو: Polisia.kz
شىمكەنتتە 2,5 ملن تەڭگەنٸڭ ۆەلوسيپەدتەرٸن ۇرلاعان كٷدٸكتٸ قۇرىقتالدى. ۇستالعان ازاماتتىڭ بۇرىن سوتتى بولعانى انىقتالدى, – دەپ حابارلايدى «ۇلت اقپارات» Polisia.kz-كە سٸلتەمە جاساپ.
بٸرنەشە ايدىڭ ٸشٸندە كٷدٸكتٸ 21 تۇرعىندى ەكٸ دٶڭگەلەكتٸ تەمٸر تۇلپارسىز قالدىرعان. كەلتٸرٸلگەن شىعىننىڭ جالپى سوماسى – 2,5 ملن تەڭگەگە جۋىق. قاسكٶي كٶپقاباتتى ٷيلەردٸڭ كٸرەبەرٸسٸنە كٸرٸپ, باسپالداق الاڭىندا قالدىرىلعان ۆەلوسيپەدتەردٸ ۇرلاۋمەن اينالىسقان.
ال دٶڭگەلەكتٸ قۇلىپتاۋ قۇرىلعىلارىن قىسقىشپەن كەسٸپ جٷرگەن. كٷدٸكتٸنٸ تەرتٸپ ساقشىلارى بەينەباقىلاۋ كامەرالارىنىڭ كٶمەگٸمەن انىقتادى. ول بۇرىن ۇرلىق جاساعانى ٷشٸن سوتتالعان قالا تۇرعىنى بولىپ شىقتى. رەتسيديۆيست قاماۋعا الىندى.
ەل-فارابي اپب تەرگەۋشٸلەرٸ بارلىق ايعاقتى جيناپ, قىلمىستىق ٸستٸ سوتقا جولدادى. بۇل زاڭسىز ەرەكەتٸ ٷشٸن ەر ادام 2 جىلدان 7 جىلعا دەيiنگi مەرزiمگە باس بوستاندىعىن شەكتەۋگە, نە سول مەرزٸمگە باس بوستاندىعىنان ايىرۋعا جازالانۋى مٷمكٸن.
