Shymkentte 18 jastaǵy qyz besinshi qabattan sekirip ketti, dep habarlaidy QazAqparat.
Oqiǵa Ál-Farabi aýdanyna qarasty T. Rysqulbekov kóshesi men Ǵ. Iliaev kóshesiniń qiylysynda bolǵan. Otbasylyq janjaldyń saldarynan 18 jasar qyz 5-qabattan sekirip ketken. Dúken ǵimaratynyń kúnqaǵaryna qulaǵan boijetkenge qutqarýshylardyń kómegi qajet bolǵan.
«Quramynda 6 qutqarýshy bar jedel-qutqarý jasaǵynyń qutqarý bólimshesi oqiǵa ornyna kelip, alpinistik jaraqtyń kómegimen 2004 jyly týǵan zardap shekken azamatshany tómen túsirip, jedel meditsinalyq qyzmet qyzmetkerlerine tapsyrdy», - delingen Shymkent qalasy TJD qoǵammen bailanys toby taratqan habarlamada.
Atalǵan oqiǵanyń mán-jaiyn Shymkent qalasy Ál-Farabi aýdandyq politsiia basqarmasynyń qyzmetkerleri tekseretin bolady.
