Shymkentte 1290 meditsina qyzmetkerine ústemeaqy tólendi. Bul týraly qalalyq densaýlyq saqtaý basqarmasynda ótken brifingte málim boldy, -dep habarlaidy QazAqparat.
«Ústemeaqy alǵandar - reanimatsiia bólimderimen qosa alǵanda, juqpaly aýrýlar statsionarlarynyń dárigerleri, karantindik aimaqtaǵy orta jáne kishi meditsina qyzmetkerleri. Sondai-aq provizorlyq statsionar men jedel járdem qyzmetiniń dárigerleri men jedel-járdem júrgizýshileri», - dedi qala ákiminiń birinshi orynbasary Erbol Sadyr.
Qalalyq tótenshe jaǵdailar jónindegi shtabynyń málimetinshe, meditsina qyzmetkerleri jumysynyń qaýiptiligine qarai 3 topqa bólingen.
«Birinshi sanattaǵy óte qaýipti jaǵdaida jumys isteitin 24 qyzmetkerge 8,7 mln teńge bólindi. Ekinshi sanattaǵy qalypty jaǵdaida jumys isteitin dárigerler men feldsherlerge, 845 meditsina mamanyna 258,3 mln teńge tólendi. Úshinshi deńgeidegi qaýipsizdik jaǵdaiynda jumys isteitin 421 meditsina uiymynyń qyzmetkerine 51,3 mln teńge qarastyrylǵan»,- deidi qala ákiminiń birinshi orynbasary Erbol Sadyr.
Aita keteiik, 11 sáýir kúngi jaǵdai boiynsha qalada koronavirýs infektsiiasynyń 33 jaǵdaiy tirkelgen. Eki naýqas aýrýynan aiyǵyp, aýrýhanadan shyǵaryldy.
