Búgin Shymkent qalasynda jekemenshik jańa mektep paidalanýǵa berildi. Abai Qunanbaevtyń 175 jyldyq mereitoiyna orai jańadan salynǵan bilim mekemesine uly aqynnyń esimi berildi, dep habarlaidy "Ult aqparat".
Bilim uiasynyń ashylý saltanatyna qala ákimi Ǵabidolla Ábdirahymov qatysyp, jańa mekteptiń ashylýymen quttyqtady. Jańa mektepte balalardyń tolyqqandy bilim alýyna, salaýatty ómir saltyn qalyptastyrýǵa barlyq jaǵdai jasalǵan. Bilim ordasynda oqýshylardyń qolónermen, tigin tigýmen ainalysýyna, túrli óner úiirmeleri men sporttyq sharalarǵa qatysýyna múmkindigi bar.
Aita keteiik, QR Bilim jáne ǵylym ministrliginiń jańa júiesi boiynsha osyndai jekemenshik salynǵan mektepterge memlekettik tapsyrys boiynsha jan basyna shaqqanda qarajat tólenedi. Búginde bul júiege qaladaǵy birqatar mektepter kóshken. Máselen, 2018-2019 oqý jylynda qaladaǵy 11 jekemenshik mekteptiń 4200 oqýshysy memlekettik satyp alý aiasynda qarjylandyrylǵan.
