© Photo: Shymkent qalasynyń tótenshe jaǵdailar departamenti
Shymkentte 10 jastaǵy bala sýburqaqqa batyp ketti, dep habarlaidy "Ult aqparat" qalalyq tótenshe jaǵdailar departamentiniń baspasóz qyzmetine silteme jasap.
"24 shilde saǵat 19.30-da TJ departamentiniń daǵdarys jaǵdailar basqarmasyna habarlama kelip tústi.
Shymkent qalasy, Qarataý aýdany, N.Nazarbaev dańǵylynda ornalasqan sýburqaqta ata-anasynyń qaraýynsyz qalǵan 2013 jylǵy er bala sýǵa shomylǵan. Ol tereńdigi 120 sm sýburqaqtyń ishinde tunshyǵyp, oqiǵa ornynda qaitys bolǵan. Qazirgi tańda Politsiia departamenti sot meditsinalyq saraptama taǵaiyndady" - delingen vedomstvo habarlamasynda.
TJD málimetinshe, qalada jalpy 32 sýburqaq bar. Onyń 25-i jumys jasap jatyr. Qala aýmaǵynda ornalasqan sýburqaqtar - Shymkent qalasynyń jaily ortany damytý basqarmasynyń menshiginde.
