© Photo: شىمكەنت قالاسىنىڭ تٶتەنشە جاعدايلار دەپارتامەنتٸ
شىمكەنتتە 10 جاستاعى بالا سۋبۇرقاققا باتىپ كەتتٸ, دەپ حابارلايدى "ۇلت اقپارات" قالالىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
"24 شٸلدە ساعات 19.30-دا تج دەپارتامەنتٸنٸڭ داعدارىس جاعدايلار باسقارماسىنا حابارلاما كەلٸپ تٷستٸ.
شىمكەنت قالاسى, قاراتاۋ اۋدانى, ن.نازارباەۆ داڭعىلىندا ورنالاسقان سۋبۇرقاقتا اتا-اناسىنىڭ قاراۋىنسىز قالعان 2013 جىلعى ەر بالا سۋعا شومىلعان. ول تەرەڭدٸگٸ 120 سم سۋبۇرقاقتىڭ ٸشٸندە تۇنشىعىپ, وقيعا ورنىندا قايتىس بولعان. قازٸرگٸ تاڭدا پوليتسييا دەپارتامەنتٸ سوت مەديتسينالىق ساراپتاما تاعايىندادى" - دەلٸنگەن ۆەدومستۆو حابارلاماسىندا.
تجد مەلٸمەتٸنشە, قالادا جالپى 32 سۋبۇرقاق بار. ونىڭ 25-ٸ جۇمىس جاساپ جاتىر. قالا اۋماعىندا ورنالاسقان سۋبۇرقاقتار - شىمكەنت قالاسىنىڭ جايلى ورتانى دامىتۋ باسقارماسىنىڭ مەنشٸگٸندە.
