Shymkent qalasyna qytaidyń Sinopharm kompaniiasy shyǵarǵan Vero Cell vaktsinasynyń 40 myń dozasy jetkizildi. Bul jaiynda qalalyq densaýlyq saqtaý basqarmasynyń basshysy Baqytjan Pozilov málim etti, dep habarlaidy "Ult aqparat"
Baqytjan Pozilovtiń aitýynsha, 40 myń doza ekpe emhanalarǵa úlestirilip berilgen. Ekpeniń bul túri álemniń 45 elinde, sonyń ishinde Qytai, Birikken Arab Ámirlikteri, Túrkiia, Serbiia, Belarýs, Bahrein jáne basqa elderde sátti qoldanyldy. Dúniejúzilik densaýlyq saqtaý uiymy Vero Cell vaktsinasyn osy jyldyń 7 mamyrynan bastap paidalanýǵa maquldaǵan. Qalanyń bas dárigeri bul vaktsinanyń ereksheligin de atap ótti. Iaǵni, vaktsinany saqtaýda qatań talaptardyń bolmaýy resýrstardyń jetispeýshiligi jaǵdaiynda óte yńǵaily.
«Bul - álemdegi ampýlasy arnaiy monitormen qamtamasyz etilgen alǵashqy vaktsina. Atalǵan monitor japsyrma vaktsinany jyly ortaǵa shyǵarǵan kezde túsin ózgertedi. Bul meditsina qyzmetkerlerine ony paidalaný kezinde qaýipsizdik talaptarynyń saqtalýyn qamtamasyz etýge múmkindik beredi», - dedi Baqytjan Pozilov.
Endi qala turǵyndary bes túrli vaktsinanyń birin tańdai alady. Olar: Qaraǵandy qalasynda shyǵarylatyn «Gam-kovid-Vak» (reseilik «Spýtnik V»), qazaqstandyq QazVac, BAÁ elinde daiyndalǵan Sinopharm kompaniiasynyń HayatVax ekpesi, Qytaidyń Sinovac Biotech kompaniiasy jasap shyǵarǵan CoronaVac jáne Sinopharm kompaniiasynyń Vero Cell vaktsinasy.
