شىمكەنت قالاسىنا قىتايدىڭ Sinopharm كومپانيياسى شىعارعان Vero Cell ۆاكتسيناسىنىڭ 40 مىڭ دوزاسى جەتكٸزٸلدٸ. بۇل جايىندا قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ مەلٸم ەتتٸ, دەپ حابارلايدى "ۇلت اقپارات"
باقىتجان پوزيلوۆتٸڭ ايتۋىنشا, 40 مىڭ دوزا ەكپە ەمحانالارعا ٷلەستٸرٸلٸپ بەرٸلگەن. ەكپەنٸڭ بۇل تٷرٸ ەلەمنٸڭ 45 ەلٸندە, سونىڭ ٸشٸندە قىتاي, بٸرٸككەن اراب ەمٸرلٸكتەرٸ, تٷركييا, سەربييا, بەلارۋس, باحرەين جەنە باسقا ەلدەردە سەتتٸ قولدانىلدى. دٷنيەجٷزٸلٸك دەنساۋلىق ساقتاۋ ۇيىمى Vero Cell ۆاكتسيناسىن وسى جىلدىڭ 7 مامىرىنان باستاپ پايدالانۋعا ماقۇلداعان. قالانىڭ باس دەرٸگەرٸ بۇل ۆاكتسينانىڭ ەرەكشەلٸگٸن دە اتاپ ٶتتٸ. ياعني, ۆاكتسينانى ساقتاۋدا قاتاڭ تالاپتاردىڭ بولماۋى رەسۋرستاردىڭ جەتٸسپەۋشٸلٸگٸ جاعدايىندا ٶتە ىڭعايلى.
«بۇل - ەلەمدەگٸ امپۋلاسى ارنايى مونيتورمەن قامتاماسىز ەتٸلگەن العاشقى ۆاكتسينا. اتالعان مونيتور جاپسىرما ۆاكتسينانى جىلى ورتاعا شىعارعان كەزدە تٷسٸن ٶزگەرتەدٸ. بۇل مەديتسينا قىزمەتكەرلەرٸنە ونى پايدالانۋ كەزٸندە قاۋٸپسٸزدٸك تالاپتارىنىڭ ساقتالۋىن قامتاماسىز ەتۋگە مٷمكٸندٸك بەرەدٸ», - دەدٸ باقىتجان پوزيلوۆ.
ەندٸ قالا تۇرعىندارى بەس تٷرلٸ ۆاكتسينانىڭ بٸرٸن تاڭداي الادى. ولار: قاراعاندى قالاسىندا شىعارىلاتىن «گام-كوۆيد-ۆاك» (رەسەيلٸك «سپۋتنيك V»), قازاقستاندىق QazVac, باە ەلٸندە دايىندالعان Sinopharm كومپانيياسىنىڭ HayatVax ەكپەسٸ, قىتايدىڭ Sinovac Biotech كومپانيياسى جاساپ شىعارعان CoronaVac جەنە Sinopharm كومپانيياسىنىڭ Vero Cell ۆاكتسيناسى.
