Shymkent qalasy ákimdigi men máslihat depýtattary qala mártebesi týraly birlesken sheshim qabyldady, dep habarlaidy "Ult aqparat" Shymkent qalasy ákimdiginiń baspasóz qyzmetine silteme jasap.
Búgin máslihattyń kezekten tys 29-shy sessiiasynda Shymkent qalasynyń ákimdigi men máslihaty Shymkent qalasyna respýblikalyq mańyzy bar qala mártebesin berýge usynys jasaý týraly birlesken sheshimge qol qoidy. Endi bul qujat Ońtústik Qazaqstan oblystyq máslihatynyń qaraýyna usynylady.
Qazaqstan Respýblikasynyń 1993 jyly 8 jeltoqsandaǵy №№2572- HII «Qazaqstan Respýblikasynyń ákimshilik-aýmaqtyq qurylysy týraly» Zańynda respýblikalyq mańyzy bar qalalarǵa - halqynyń sany bir million adamnan asatyn eldi mekender jatady dep kórsetilgen.
Halyq qalaýlylarynyń aldynda sóz sóilegen Shymkent qalasynyń ákimi: «Sessiiada tarihi qujatqa qol qoiyldy, bul Shymkenttiń respýblikalyq mańyzy bar qala mártebesin alýda aýqymdy jumystyń bastaýy boldy», - dep atap ótti.
Respýblikalyq mańyzy bar qala mártebesi jańa múmkindikterge jol ashpaq. Mundai ózgeris qalanyń damýyna, sondai-aq árbir turǵynyna da oń áser alyp keledi.
- Josparlar kóp, olardyń barlyǵy máslihat depýttary men qala turǵyndarynyń qoldaýymen ǵana júzege asady – dep qala basshysy Nurlan Saýranbaev sózin qorytyndylady.
Aita ketsek, buǵan deiin el arasynda «Ońtústik Qazaqstan oblysynyń endigi ortalyǵy Túrkistan qalasy bolady» degen boljam aitylǵan edi. Búgingi sheshim osy boljamǵa jaqyndai túser qadamdardyń biri sekildi. Búgin keshki saǵat beste Ońtústik Qazaqstan oblystyq máslihatynyń sessiiasy shaqyrylyp otyr. Sessiiada Ońtústik Qazaqstan oblysynyń ákimshilik-aýmaqtyq qurylysy týraly másele qaralmaq. Anyq-qanaǵyn sol kezde biletin bolamyz.
