شىمكەنت قالاسى ەكٸمدٸگٸ مەن مەسليحات دەپۋتاتتارى قالا مەرتەبەسٸ تۋرالى بٸرلەسكەن شەشٸم قابىلدادى, دەپ حابارلايدى "ۇلت اقپارات" شىمكەنت قالاسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
بٷگٸن مەسليحاتتىڭ كەزەكتەن تىس 29-شى سەسسيياسىندا شىمكەنت قالاسىنىڭ ەكٸمدٸگٸ مەن مەسليحاتى شىمكەنت قالاسىنا رەسپۋبليكالىق ماڭىزى بار قالا مەرتەبەسٸن بەرۋگە ۇسىنىس جاساۋ تۋرالى بٸرلەسكەن شەشٸمگە قول قويدى. ەندٸ بۇل قۇجات وڭتٷستٸك قازاقستان وبلىستىق مەسليحاتىنىڭ قاراۋىنا ۇسىنىلادى.
قازاقستان رەسپۋبليكاسىنىڭ 1993 جىلى 8 جەلتوقسانداعى №№2572- حٸٸ «قازاقستان رەسپۋبليكاسىنىڭ ەكiمشiلiك-اۋماقتىق قۇرىلىسى تۋرالى» زاڭىندا رەسپۋبليكالىق ماڭىزى بار قالالارعا - حالقىنىڭ سانى بiر ميلليون ادامنان اساتىن ەلدi مەكەندەر جاتادى دەپ كٶرسەتٸلگەن.
حالىق قالاۋلىلارىنىڭ الدىندا سٶز سٶيلەگەن شىمكەنت قالاسىنىڭ ەكٸمٸ: «سەسسييادا تاريحي قۇجاتقا قول قويىلدى, بۇل شىمكەنتتٸڭ رەسپۋبليكالىق ماڭىزى بار قالا مەرتەبەسٸن الۋدا اۋقىمدى جۇمىستىڭ باستاۋى بولدى», - دەپ اتاپ ٶتتٸ.
رەسپۋبليكالىق ماڭىزى بار قالا مەرتەبەسٸ جاڭا مٷمكٸندٸكتەرگە جول اشپاق. مۇنداي ٶزگەرٸس قالانىڭ دامۋىنا, سونداي-اق ەربٸر تۇرعىنىنا دا وڭ ەسەر الىپ كەلەدٸ.
- جوسپارلار كٶپ, ولاردىڭ بارلىعى مەسليحات دەپۋتتارى مەن قالا تۇرعىندارىنىڭ قولداۋىمەن عانا جٷزەگە اسادى – دەپ قالا باسشىسى نۇرلان ساۋرانباەۆ سٶزٸن قورىتىندىلادى.
ايتا كەتسەك, بۇعان دەيٸن ەل اراسىندا «وڭتٷستٸك قازاقستان وبلىسىنىڭ ەندٸگٸ ورتالىعى تٷركٸستان قالاسى بولادى» دەگەن بولجام ايتىلعان ەدٸ. بٷگٸنگٸ شەشٸم وسى بولجامعا جاقىنداي تٷسەر قادامداردىڭ بٸرٸ سەكٸلدٸ. بٷگٸن كەشكٸ ساعات بەستە وڭتٷستٸك قازاقستان وبلىستىق مەسليحاتىنىڭ سەسسيياسى شاقىرىلىپ وتىر. سەسسييادا وڭتٷستٸك قازاقستان وبلىسىنىڭ ەكٸمشٸلٸك-اۋماقتىق قۇرىلىسى تۋرالى مەسەلە قارالماق. انىق-قاناعىن سول كەزدە بٸلەتٸن بولامىز.
