Shymkentke «Atyraý-Shymkent» áýe reisimen «Teńizshevroil» kompaniiasynyń 383 qyzmetkeri ushyp keldi. Onyń 67-si - qala turǵyndary bolsa, ózgeleri - ózge óńirdiń jumysshylary, dep habarlaidy "Ult aqparat".
Qalalyq densaýlyq saqtaý basqarmasynyń málimetinshe, atalǵan áýe reisimen kelgen úsh azamattan koronavirýs tabylǵan. Naýqastar juqpaly aýrýlar aýrýhanasyna, al olarmen bailanysta bolǵan 64 jolaýshynyń barlyǵy karantindik stantsionarǵa jatqyzylǵan.
«Virýs anyqtalǵan azamatpen bir reiste ushyp kelgen jolaýshylardyń densaýlyǵy jáne qaýipsizdigi eskerilip, olar 14 kún stantsionarda bolady. Al ushaqta bolǵan kórshiles óńirlerdiń turǵyndary óz mekenjaiy boiynsha meditsinalyq baqylaýǵa alynǵan» delingen densaýlyq saqtaý basqarmasynyń málimetinde.
