Shymkentte alaiaqtyqtyń jańa túri anyqtaldy. Qala turǵyny Facebook áleýmettik jelisindegi tanymaityn adamǵa 17 million teńgesin aýdaryp jibergen, jep habarlaidy QazAqparat.
Bul týraly Shymkent qalasy politsiia departamenti Qarataý aýdandyq politsiia basqarmasyna jergilikti turǵyn aryzdanǵan.
Jábirlenýshi halyqaralyq kompaniianyń atynan jiberilgen siltemege kirip, qomaqty qarjysynan airylǵanyn kórsetken.
«Birja naryǵynda aqshańdy kóbeitip beremin» dep aitqan belgisiz adamnyń sózine senip, 17 million teńgeden astam aqshasyn «Meta Trader 4» baǵdarlamasy arqyly salyp jibergen.
«Atalǵan jait QR QK 190-baby 4-bóliginiń 2-tarmaǵymen tirkelip, sotqa deiingi tergep-tekserý amaldary júrip jatyr. Óz kezeginde politsiia qyzmetkerleri alaiaqtyń qurbany bolmas úshin beitanys adamǵa senbeýdi, onyń arbaýyna túsip qalmaýdy eskertedi. Sondai-aq, ózge adamdarǵa aqsha aýdarmaýǵa jáne jeke málimetterdi bermeýge keńes beredi», - delingen Shymkent qalasy politsiia departamentiniń baspasóz qyzmeti taratqan habarlamada.
Qazirgi tańda politsiia qyzmetkerleri kúdiktilerdi izdestirip jatyr.
