Shymkent turǵyny mektep muǵalimi bolý úshin alaiaqqa million teńge bergen, - dep habarlaidy Massaget.kz portaly.
Alaiaqtyq týraly aryzben megapolis politseilerine 27 jastaǵy azamatsha júgindi. Jábirlenýshiniń aitýynsha, az ǵana ýaqyt tanyǵan áiel oǵan oqý oryndarynyń birine jumysqa ornalasýǵa kómektesýge ýáde bergen. Bul qyzmetin qaskúnem 1 million teńgege baǵalaǵan.
Bul jaitty Turan APB tergeýshileri SDTBT-ne QK-niń 190-babymen tirkedi. Kriminaldyq politsiia qyzmetkerleri jedel-izdestirý is-sharalaryna dereý kiristi.
Júrgizilgen jumystardyń nátijesinde 36 jastaǵy kúdikti turǵylyqty jeri boiynsha ustalyp, politsiia bólimine jetkizildi.
Tekserý barysynda áieldiń basqa da uqsas qylmysqa qatysy bar ekeni anyqtaldy. Ol taǵy bir azamatshany "memlekettik baǵdarlamamen kezeksiz páter men biznes-ideialardy iske asyrýǵa arnalǵan qaitarymsyz grant alyp beremin" dep, bir jarym million teńgege san soqtyrǵan.
Qazirgi tańda sotqa deiingi tergeý áreketteri júrgizilip jatyr, onyń nátijesinmen is boiynsha protsestik sheshim qabyldanady.
