شىمكەنت تۇرعىنى مەكتەپ مۇعالٸمٸ بولۋ ٷشٸن الاياققا ميلليون تەڭگە بەرگەن, - دەپ حابارلايدى Massaget.kz پورتالى.
الاياقتىق تۋرالى ارىزبەن مەگاپوليس پوليتسەيلەرٸنە 27 جاستاعى ازاماتشا جٷگٸندٸ. جەبٸرلەنۋشٸنٸڭ ايتۋىنشا, از عانا ۋاقىت تانىعان ەيەل وعان وقۋ ورىندارىنىڭ بٸرٸنە جۇمىسقا ورنالاسۋعا كٶمەكتەسۋگە ۋەدە بەرگەن. بۇل قىزمەتٸن قاسكٷنەم 1 ميلليون تەڭگەگە باعالاعان.
بۇل جايتتى تۇران اپب تەرگەۋشٸلەرٸ سدتبت-نە قك-نٸڭ 190-بابىمەن تٸركەدٸ. كريمينالدىق پوليتسييا قىزمەتكەرلەرٸ جەدەل-ٸزدەستٸرۋ ٸس-شارالارىنا دەرەۋ كٸرٸستٸ.
جٷرگٸزٸلگەن جۇمىستاردىڭ نەتيجەسٸندە 36 جاستاعى كٷدٸكتٸ تۇرعىلىقتى جەرٸ بويىنشا ۇستالىپ, پوليتسييا بٶلٸمٸنە جەتكٸزٸلدٸ.
تەكسەرۋ بارىسىندا ەيەلدٸڭ باسقا دا ۇقساس قىلمىسقا قاتىسى بار ەكەنٸ انىقتالدى. ول تاعى بٸر ازاماتشانى "مەملەكەتتٸك باعدارلامامەن كەزەكسٸز پەتەر مەن بيزنەس-يدەيالاردى ٸسكە اسىرۋعا ارنالعان قايتارىمسىز گرانت الىپ بەرەمٸن" دەپ, بٸر جارىم ميلليون تەڭگەگە سان سوقتىرعان.
قازٸرگٸ تاڭدا سوتقا دەيٸنگٸ تەرگەۋ ەرەكەتتەرٸ جٷرگٸزٸلٸپ جاتىر, ونىڭ نەتيجەسٸنمەن ٸس بويىنشا پروتسەستٸك شەشٸم قابىلدانادى.
