Foto: Polisia.kz
Shymkent turǵyny dosynyń bedelin túsiretin aqparatty taratpaý úshin 100 000 dollar talap etken, dep habarlaidy "Ult aqparat" IIM baspasóz qyzmetine silteme jasap.
Qarataý aýdanynyń turǵyny politsiiaǵa bopsalaý týraly aryzben júgingen. Jas jigit ózin áleýmettik jeliniń belgisiz qoldanýshysy qorqytyp, odan 100 myń dollar talap etkenin kórsetken. Qaskói onyń intimdik sipattaǵy jeke sýretteri men videolaryn internetke jariialaimyn dep ýáde etken.
Óz bedeline alańdaǵan turǵyn kelisip, onyń nusqaýyn oryndap, bopsalaǵan somanyń 10 million teńgesi salynǵan sómkeni kóshelerdiń birindegi temir qubyrdyń astyna qaldyrǵan.
"Kúdiktini birneshe saǵattan keiin aqshany alýǵa kelgen kezde politseiler qylmys ústinde ustady.
Atalǵan jait QR QK 194-baby 4-bóligi boiynsha SDTBT tirkeldi.
Ustalǵan adam óziniń dosy bolyp shyqty. Belgili bolǵandai, dosynyń mas kúiin paidalanǵan joldasy onyń smartfonyndaǵy jeke sýretteri men beinejazbalaryn ózine ótkizip alǵan.
Bopsalaýshy ÝUI-ǵa qamaldy. Tergeý amaldary júrgizilip jatyr" - delingen habarlamada.
