Shymkent turǵyny avtosalonnan 28 mln teńge turatyn kólikti zańsyz aidap ketti, – dep habarlaidy Polisia.kz.
Naýryz aiynyń sońynda jergilikti avtosalonnyń ákimshiligi tekserý kezinde avtokólikterdiń biriniń joǵalǵanyn anyqtaǵan. Shyǵyn somasy 28 mln teńgeni qurady. Oqiǵa týraly jumysshylar dereý politsiiaǵa habarlaǵan.
Habarlama sotqa deiingi tergeýdiń biryńǵai tizilimine QR QK-niń 200-baby (Avtomobildi jymqyrý maqsatynsyz quqyqqa syiymsyz ielenip alý) boiynsha tirkeldi.
"Politseiler kólikti aidap ketken tulǵany anyqtaý maqsatynda birqatar jedel is-sharalar ótkizdi. Kriminaldyq politsiia qyzmetkerleri avtosalon jumysshylary men kýáger bolýy múmkin azamattardan surastyrý jumystaryn júrgizdi. Jedel basqarý ortalyǵynyń inspektorlary kóshelerdiń boiynda ornatylǵan beinebaqylaý kameralaryn tekserdi. Nátijesinde, tártip saqshylary eki saǵat ishinde Báidibek bi kóshesinde urlanǵan avtokólikti anyqtady. JBO qyzmetkerleri patrýldik politseilerge kóliktiń turǵan jeri týraly dereý habarlady. Osylaisha, kólikti zańsyz ielengen azamat ustaldy.
Avtokólik salonǵa qaitaryldy. Qazirgi tańda is aiyptaý aktisimen sotqa joldandy" delingen habarlamada.
Aita keteiik, Qylmystyq kodekske sáikes atalǵan quqyqbuzýshylyq 1000 AEK-ke deiingi mólsherde aiyppul salýǵa, ne sol mólsherde túzeý jumystaryna, ne 600 saǵatqa deiingi merzimge qoǵamdyq jumystarǵa tartýǵa, ne 2 jylǵa deiingi merzimge bas bostandyǵyn shekteýge, ne sol merzimge bas bostandyǵynan aiyrýǵa ákeledi.
