Foto: t.me/POLICE_of_KZ
Shymkent politsiiasy kiberaferisterdi izdestirip jatyr. Olar qala turǵyndaryn 50 mln teńgege aldaǵan, - dep habarlaidy "Ult aqparat" IIM-niń baspasóz qyzmetine silteme jasap.
"Almaty, Aqtóbe, Taraz qalasynyń 31,36,37 jastaǵy turǵyndary shymkenttik 30 adamdy aldap ketken. Keltirilgen jalpy shyǵyn kólemi 50 million teńgege jýyq.
Alisa Amanova, Elina Hamidova jáne Ramis Rasimov esimdi azamattarǵa aǵymdaǵy jyldyń shilde aiynda QR QK-niń 190-baby 3-bóligimen (birneshe ret jasalǵan alaiaqtyq) halyqaralyq izdeý jariialandy" - delingen habarlamada.
Olar kólik satý saitynda ornalasqan basqa bireýdiń habarlandyrýyn kóshirip alyp, tómen baǵada jarnamalaǵan. Qońyraý shalǵan klientpen kezdesý týraly kelisken. Kelesi kezekte olar klienttiń atyn jamylyp, kólik iesine telefon soǵyp, onymen de kezdesýge kelisken.
Qaskúnemder eki tarapqa da kólikti kórýge jáne kórsetýge týysy keletinin, aqsha jónindegi máselelerdi onymen telefon arqyly sheshý kerektigin eskertken. Osylaisha olar naǵyz satýshy men satyp alýshyny betpe-bet júzdestirgen soń, satyp alýshyǵa qaita qońyraý shalyp, aqshany óz esepshottaryna aýdartyp alǵan.
