Shymkent patrýldik politsiia polkiniń qyzmetkerleri qala boiynsha jalǵan memlekettik nómirimen júrgen avtokólikti anyqtady, - dep habarlaidy "Ult aqparat" vedomstvonyń baspasóz qyzmetine silteme jasap.
"Júrgizýshi 590-baptyń 4-bólimi boiynsha jaýapqa tartyldy. "Kia-Rio" markaly, memlekettik belgisi 0745 kóligi Shymkent qalasy Politsiia departamenti baspasóz qyzmetiniń basshysy M.Bekeevaǵa bekitilgen. Aita ketý kerek, bul kóliktiń artynda jarty million teńgege jýyq jol qozǵalysy erejelerin buzý jáiitteri bar", - delingen Facebook jelisindegi jazbada.
Eske salaiyq, Shymkent Politsiia departamenti baspasóz qyzmetiniń basshysy Móldir Bekeeva burynyraq ózine qol jumsamaq bolǵan. Ol 5 sáýirde Facebook-paraqshasynda qoshtasý jazbasyn qaldyrǵan. Jazbada mundai qadamǵa qalalyq PD basshylyǵynyń qysymy itermelegenin aitqan.
