Foto: facebook.com/moldyr.bekeeva
Baspasóz hatshysy Móldir Bekeevanyń ózine qol jumsamaq bolǵan áreketinen keiin Shymkent qalalyq PD qyzmetkerlerine qatysty qylmystyq is qozǵaldy. Bul týraly Tengrinews.kz resmi saýalyna Shymkent qalalyq sybailas jemqorlyqqa qarsy qyzmet bergen jaýapta aitylǵan.
Vedomstvo málimetinshe, olar bul sotaldy tergeý málimetin jariia ete almaidy. Bul tek prokýrordyń ruqsatymen jasalady. Derekter tergeý múddesine qaishy kelmese jáne basqa tulǵalardyń quqyǵy men zańdy múddesin buzýǵa qatysty bolmasa, jariia etilýi múmkin ekeni aitylǵan.
"Suralǵan aqparat sotaldy tergep-tekserý derekterine qatysty jáne ony jariia etýge prokýrordyń ruqsaty joq. Móldir Bekeevany ózine qol jumsaýǵa deiin jetkizý deregi boiynsha bastalǵan Shymkent PD qyzmetkerlerine qatysty qylmystyq is boiynsha málimetti usyný múmkin emes.
Osy jaýapqa kelispegen jaǵdaida, prokýratýraǵa nemese sotqa júginýge quqyǵyńyz bar", - delingen Shymkent boiynsha Antikor basshysynyń orynbasary D.Qojabaevtyń qoly qoiylǵan jaýapta.
