Shymkent munai óńdeý zaýytyn jańǵyrtý jobasynyń birinshi kezeńi aiaqtaldy. Nátijesinde munai óńdeý sapasy 80 paiyzǵa artyp, ónim shyǵarý kólemi jylyna 6 mln tonnaǵa, janarmai óndirisi 3 ese kóbeidi, dep habarlaidy "Ult aqparat" OQO ákimdiginiń baspasóz qyzmetine silteme jasap.
Eń bastysy - janarmai sapasy Eýro-4 jáne Eýro-5 ekologiialyq standartyna kóshti. Tarihi oqiǵaǵa qatysty ótken saltanatty jiynǵa Qytai Halyq Respýblikasynyń CNPC kompaniiasy Bas direktory Bian Dyjy men Ońtústik Qazaqstan oblysynyń ákimi Janseiit Túimebaev qatysyp, zaýyt jumysyna sáttilik tiledi.
«Elbasymyz halyqqa arnaǵan Joldaýynda elimizdi óz munai ónimderimen qamtamasyz etý kerektigin basa aitqan bolatyn. Osy tapsyrmaǵa sai Shymkent munai óńdeý zaýytynda jańǵyrtý jumystary júrgizildi. Bul jumystar "Údemeli indýstriialyq-innovatsiialyq damý" memlekettik baǵdarlamasy aiasynda júzege asyrylyp otyr. Qazirde atalǵan baǵdarlamanyń aiasynda Qazaqstannyń úsh iri munai óńdeý zaýytyn jańǵyrtý jáne qaita jóndeý jumystary júrgizilýde. Búgin mine birinshi kezeńniń iske asýyna kýá bolyp otyrmyz», - dedi Janseiit Túimebaev.
Jańǵyrtý jumystarynyń birinshi kezeńinde Shymkent munai óńdeý zaýytynda shikizatty ydystarǵa sańylaýsyz quiatyn qondyrǵy iske qosyldy. Sondai-aq qýaty jylyna 1,5 mln. tonna dizel otynyn gidrotazalaityn jáne jylyna 4 myń tonna kúkirt óndiretin qondyrǵy iske qosylyp jumys istei bastady. Aita keteiik, innovatsiialyq tyń tehnologiialar avtomatty túrde basqarylady.
Mamandardyń aitýynsha, budan bylai aýa lastanbaidy. Eń bastysy - zaýyttaǵy jumystardyń bári qaýipsiz iske asyrylatyn bolady. Kásiporyn mundai múmkindikke «Údemeli indýstrialdy innovatsiialyq damý» baǵdarlamasy aiasynda qol jetkizip otyr.
Esterińizge sala keteiik, 2 kezeńnen turatyn Shymkent munai óńdeý zaýytyn jańǵyrtý jobasy «Údemeli indýstrialdy innovatsiialyq damý» baǵdarlamasy aiasynda 2011 jyly bastalǵan bolatyn. Jobanyń bas merdigeri - Qytailyq SRESS kompaniiasy. Jobany iske asyrýǵa 30-da asa jergilikti merdiger kompaniialar tartylǵan. Búginde zaýyt aktsiiasy «QazMunaiGaz-ÓM» AQ men qytailyq «SNPC» kompaniiasyna tiesili.
Sondai-aq zaýytta jylyna 4 myń tonna kúkirt shyǵarylady. Qurylymdaý jumystarynyń ekinshi kezeńi tolyq aiaqtalsa, zaýyt elimizdegi álemdik talaptarǵa sai iri kásiporynǵa ainalatyn bolady. Jyl saiyn Shymkent munai óńdeý zaýytynan ishki, sondai-aq syrtqy naryqtarǵa 4 mln tonnaǵa jýyq munai ónimderi tiep jóneltiledi.
