Aýa-raiynyń kúrt jylynýyna bailanysty Shymkent qalasy, Abai aýdanyna qarasty Qarasý kóshesindegi birneshe úidiń mańyndaǵy jerasty sýy kóterildi.
Sonyń saldarynan aýlalardy sý basyp, jertólelerge de sý toldy, dep habarlaidy "Ult aqparat".
Osy jaǵdaidy eskergen qala ákimi Erlan Aitahanov oqiǵa ornyn aralap shyǵyp, turǵyndarmen tildesti. Shahar basshysy atalǵan kóshede tiisti jumystar júrgiziletinin aityp, jaýapty sala jetekshilerine sý tasqynynyń saldaryn joiýǵa baǵyttalǵan naqty tapsyrmalar berdi. Qala basshysy sonymen qatar aldaǵy ýaqytta osy syndy jaǵdai oryn almasy úshin atalǵan aimaqty zerdelep, buryn bolǵan tik drenajdyq júieni qalpyna keltirý jumystaryn júrgizý keregin atap ótti. Osy salaǵa jaýapty basqarma basshylyǵy men aýdan ákimdigine jobalyq-smetalyq qujattardy daiyndaýdy mindettedi.
Aita keteiik, Qarasý ózeniniń jaǵalaýynda ornalasqan úilerdiń ieleri ózen arnasyna jaz mezgilinde sý deńgeiin kóterý maqsatynda, ruqsatsyz bógetter ornalastyrǵan. Nátijesinde jaýyn-shashynnyń saldarynan jáne jerasty sýlary kóterilip, joǵaryda aitylǵan mekenjailardy sý basqany anyqtalǵan. Qazirgi ýaqytta oqiǵa ornyna sý sorý jumystaryna 30 shaqty qyzmetker men 6 birlik tehnika jáne 2 motopompa jumyldyryldy.
