Shymkent qalasynyń ákimi bolyp Murat Áitenov taǵaiyndaldy, dep habarlaidy "Ult aqparat".
Memleket basshysy Qasym-Jomart Toqaevtyń Jarlyǵymen jáne qalalyq máslihattyń kelisimimen Murat Dúisenbekuly Áitenov Shymkent qalasynyń ákimi bolyp taǵaiyndaldy.
Murat Dúisenbekuly Áitenov 1981 jyly 30 qazanda Ońtústik Qazaqstan oblysy Jetisai qalasynda dúniege keldi.
2004 jyly S.M. Shtemenko atyndaǵy Krasnodar áskeri institýtyn «Uiymdastyrý jáne aqparatty qorǵaý tehnologiiasy» mamandyǵy boiynsha bitirgen. 2011 jyly Qaztutyný odaǵynyń Qaraǵandy ekonomikalyq ýniversitetin «zańtaný» mamandyǵy boiynsha aiaqtaǵan.
Eńbek jolyn Astana qalasynda 2004 jyly Qazaqstan Respýblikasy Qorǵanys ministrligi janyndaǵy arnaiy bailanys bóliminiń kezekshilik aýysymynyń aǵa injener-bastyǵy bolyp bastaǵan.
2006-2008 jyldary - QR PIB «Astana-Ónim» AQ sharýashylyq aýlasynyń meńgerýshisi. 2008-2010 jyldary - QR PIB vedomstvolyq qarasty uiymdardy basqarý jónindegi bólimniń óndiristik qyzmetti úilestirý sektorynyń sarapshysy.
2010-2012 jyldary - Qazaqstan Respýblikasy Prezidenti Is basqarmasynyń resmi is-sharalar jáne syrtqy bailanystar bólimi meńgerýshisiniń orynbasary. 2012-2013 jyldary - Qazaqstan Respýblikasy Prezidenti Is basqarmasynyń resmi is-sharalar jáne syrtqy bailanystar bóliminiń meńgerýshisi.
2013-2016 jyldary Qazaqstan Respýblikasy Prezidenti Is basqarmasynyń apparat basshysy laýazymyna taǵaiyndaldy.
2017-2019 jyldary QR Prezidenti Is basqarýshysynyń orynbasary 2019 jylǵy jeltoqsannan beri Shymkent qalasy ákiminiń birinshi orynbasary bolǵan.
Aita keteiik, Memleket basshysynyń dál sondai Jarlyǵymen Erlan Qýanyshuly Aitahanov Shymkent qalasynyń ákimi qyzmetinen bosatyldy.
Ol shahar basshylyǵyna 2019 jyldyń 30 shildesi kelgen bolatyn.
