Shymkent qalalyq mádeniet basqarmasy osy bólimniń birneshe qyzmetkeri para berýge áreket jasady dep kúdikke iligennen keiin ustalǵany týraly aqparatty joqqa shyǵaratyn málimdeme taratty, - dep habarlaidy "Ult aqparat".
"Áleýmettik jeliler men BAQ-ta jariialanǵan materialdarǵa sáikes málimdeimiz.
Shymkent qalasynyń mádeniet, tilderdi damytý jáne arhivter basqarmasynyń laýazymdy tulǵalary (basshy, basshynyń orynbasarlary) bári jumys ornynda ekenin nazarlaryńyzǵa jetkizemiz. Sonymen qatar, eńbek demalysynda júrgen 3 mamannan basqa qyzmetkerler de túgel jumys ornynda.
Basqarmaǵa quqyq qorǵaý organdary tarapynan resmi hat túsken joq", - delingen vedomstvonyń Instagram-paraqshasynda.
Aita keteiik, 11 tamyzda sybailas jemqorlyqqa qarsy qyzmet Shymkent qalasynyń mádeniet, tilderdi damytý jáne arhivter basqarmasynyń laýazymdy tulǵalaryn 80 million teńge kóleminde para berýge áreket jasady dep kúdikke ilingeni týraly habarlanǵan bolatyn.
