Shyǵys Qazaqstan oblysyndaǵy emhanalarǵa qytailyq Sinopharm kompaniiasynyń Vero Cell vaktsinasy jetkizildi, dep habarlaidy QazAqparat.
ShQO aqparat ortalyǵynyń málimetine súiensek, Dúniejúzilik densaýlyq saqtaý uiymy atalmysh vaktsinany osy jyldyń mamyr aiynda tótenshe jaǵdaida qoldanylatyn ekpeler tizimine engizgen.
Eki komponentti vaktsinanyń tiimdiligi - 79 paiyz.
«Klinikalyq zertteýler eleýli janama áserler kórsetken joq. Onda da COVID-19 ekpelerine tán standartty reaktsiialar bar, atap aitqanda inektsiia ornyndaǵy aýyrsyný, tumaý jáne álsizdik», - delingen habarlamada.
Sinopharm kompaniiasynyń vaktsinasy qazaqstandyqtarǵa qoljetimdi. Bul - elimizde tirkelgen altynshy vaktsina.
Búginde Shyǵys Qazaqstanǵa Vero Cell preparatynyń 298 myń dozasy jetkizilgen.
«Vaktsina oblystyń barlyq emhanalaryna kelip tústi. Onyń ishinde Óskemenge 50 myń doza jetkizildi. Jalpy, oblysta qazirgi tańda vaktsinanyń úsh túri bar, olar – «Spýtnik V», QazVac, Sinopharm», - delingen málimette.
