Shyǵys Qazaqstannyń apat kóp bolatyn qaýipti joldarynda tórt meditsinalyq-áleýmettik qosyndar (TMÁP) ashyldy, dep habarlaidy "Ult aqparat" Apattar meditsinalyq ortalyǵy filialyna silteme jasai otyryp.
Árbir pýnktte táýlik boiǵy rejimde 5 maman: dáriger, feldsher, dispetcher, qutqarýshy jáne júrgizýshi-qutqarýshy jumys jasaityn bolady. Birinshi pýnkt «Óskemen-Semei» jolynda Ulan aýdanynyń Privolnoe kentine jaqyn, 84 km-de ornalasqan. Ekinshi pýnkt «Almaty-Semei» kúre jolynda Jarma aýdany Arshaly kentine taiaý 865 km-de qonystandy. Taǵy eki pýnkt «Omby - Maiqapshaǵai» kúre jolynda Besqaraǵai aýdanynyń Semenovka kentine jaqyn 634 km-de jáne Jarma aýdany Sýyqbulaq kentine taiaý kúre jolda 826 km-de jumys jasaityn bolady. Qosyndar arnaiy meditsinalyq tehnikamen, meditsinalyq múlikpen, arnaiy apattyq-qutqarý jabdyǵymen jasaqtalǵan. Olardyń mindetteri JKO barysynda zardap shekkenderge shuǵyl melitsinalyq kómek kórsetý, JKO ornynda reanimatsiialyq is-sharalar júrgizý jáne zardap shegýshilerdi emdeý mekemelerine tasymaldaý, tikelei oqiǵa ornynda mamandandyrylǵan apattyq-qutqarý quraldaryn qoldanýmen qutqarý jumystaryn júrgizý. Buǵan qosa ol jerde tikushaq alańy kózdelgen. Ortalyqta bul áleýmetik-baǵdarlanǵan jobanyń úshinshi jyl jumys istep kele jatqandyǵyn túsindirdi. Pýnktter ashylǵan sátten bastap meditsinalyq kómek 270 adamǵa kórsetildi, 164 adam arýhanaǵa jatqyzyldy.
