Foto: freepik.com
Búginnen bastap óńirdegi memlekettik mekemeler, biýdjettik uiymdar, kásiporyndar jáne áleýmettik qyzmetter túgeldei jumys ýaqytyn saǵat 08:00-den bastady, dep habarlaidy Ult.kz Kazinform-ǵa silteme jasap.
Keshke jumys saǵat 17:30-da deiin sozylady. Al túski úzilis 12:00-den 13:30-ǵa deiin belgilengen. Bul jańashyldyq kúndizgi jaryqty tiimdi paidalaný men eńbek ónimdiligin arttyrýǵa baǵyttalǵan.
- 2024 jyly Qazaqstanda birtutas UTC+5 ýaqyt beldeýine kóshý bastamasy qyzý talqylandy. Bul usynys ásirese Shyǵys Qazaqstan oblysy men Almaty qalasynda qyzý talqylandy. Óńir turǵyndary bul másele boiynsha óz pikirlerin bildirdi. Nátijesinde, Úkimet halyqtyń pikirin eskere otyryp, ár óńirge jumys kestesin jergilikti erekshelikterge qarai retteýge múmkindik berý týraly sheshim qabyldady. Mundai tásil ár aimaqtyń qajettilikterin eskerýge jáne sheshimdi neǵurlym ikemdi ári yńǵaily etýge múmkindik berdi, - dep habarlady oblys ákimdiginen.
Shyǵys Qazaqstandaǵy jaǵa jumys kestesine kóshý kezeńderi kelesidei órbidi:
• Katonqaraǵai aýdany 2025 jyldyń qańtar aiynyń basynda osy ózgeristerdi birinshi bolyp engizdi.
• Marqakól jáne Úlken Naryn aýdandary 24 aqpanda bastamany qoldady.
• Zaisan, Kúrshim, Tarbaǵatai jáne Samar aýdandary 5 naýryzdan bastap jańa kestege kóshti.
• Altai jáne Ulan aýdandary 12 naýryzda ózgeristerdi engizdi.
• Glýbokoe jáne Shemonaiha aýdandary 13 naýryzda jumys ýaqytyn bir saǵatqa shegerdi.
• Ridder qalasy 14 naýryzdan bastap jańa kestege kóshti.
• Óskemen 20 naýryzdan osy jańashyldyqqa bet burdy.
Jańa jumys kestesin engizý aldynda ár qala, aýdanda halyqpen kezdesýler ótken. Kópshilik jumys kúniniń erte bastalýyn qoldady.
Aita ketý kerek, mektepter, balabaqshalar jáne meditsinalyq mekemelerdiń jumys kestesi ózgergen joq. Sebebi olar buǵan deiin de osyǵan uqsas tártippen jumys istegen.
Eske salsaq, buǵan deiin Óskemende jumys ýaqyty 1 saǵatqa shegerilgenin habarlaǵan edik.
