Shyǵys Qazaqstan oblysyndaǵy Besqaraǵai, Borodýliha jáne Ulan aýdanynda jaiylymdyq jer tapshy, dep habarlaidy QazAqparat.
Óńirde iesiz qalǵan jerlerdi memleket menshigine qaitarý jumystary júrgizilýde. Bul jaily ShQO Aqparat ortalyǵynda ótken baspasóz máslihaty barysynda oblystyq Jer qatynastary basqarmasynyń basshysy Nadejda Mihailis málimdedi.
«2021 jyly Memleket basshysy qaraýsyz qalǵan jerlerdi tárkileý jaily tapsyrma berdi. Jergilikti ákimdikter bos jatqan jerlerdiń tizimin jasady. Atqarylǵan jumystardyń nátijesinde, buryn paidalanylmai kelgen 1 million gektardan astam jer anyqtaldy. Búgingi tańda Shyǵys Qazaqstanda mal jaiýǵa qajetti jer kólemi 146 myń gektardy quraidy», - dedi ol.
Nadejda Mihailistiń aitýynsha, búginde Besqaraǵai, Borodýliha, Ulan aýdandarynda jáne Óskemen qalasynda jaiylymdyq jer tapshylyǵy sezilýde. Bos jatqan jerlerdi memleketke qaitarý protsedýrasyna bir jylǵa jýyq ýaqyt ketedi.
