Prezident Qasym-Jomart Toqaev Shyǵys Qazaqstan olysyndaǵy keibir aýdandardy bólý týraly Jarlyqqa qol qoidy, - dep habarlaidy "Ult aqparat" Aqordanyń resmi saityna silteme jasap.
"Qazaqstan Respýblikasynyń ákimshilik-aýmaqtyq qurylysy týraly" Qazaqstan Respýblikasy Zańynyń 9-babyna sáikes QAÝLY ETEMIN:
1. Shyǵys Qazaqstan oblysy Tarbaǵatai aýdanynyń ákimshilik ortalyǵy Shyǵys Qazaqstan oblysy Tarbaǵatai aýdanynyń Aqsýat aýylynan Aqjar aýylyna kóshirilsin.
2. Shyǵys Qazaqstan oblysynyń quramynda:
1) Tarbaǵatai aýdanynyń quramynan bólý jolymen ákimshilik ortalyǵy Aqsýat aýylynda ornalasatyn Aqsýat aýdany;
2) Kókpekti aýdanynyń quramynan bólý jolymen ákimshilik ortalyǵy Samar aýylynda ornalasatyn Samar aýdany qurylsyn.
3. Ortalyq memlekettik organdar, Shyǵys Qazaqstan oblysynyń jergilikti ókildi jáne atqarýshy organdary ortalyq memlekettik organdardyń tiisti aýmaqtyq bólimsheleriniń, jergilikti ókildi jáne atqarýshy organdar men uiymdardyń irkilissiz jáne tiimdi jumys isteýin qamtamasyz etý jóninde sharalar qabyldasyn.
4. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
5. Osy Jarlyq 2022 jylǵy 7 maýsymnan bastap qoldanysqa engiziledi jáne resmi jariialanýǵa tiis", - delingen Jarlyqta.
