Óskemende Shyǵys Qazaqstan oblysy ákiminiń orynbasary Baqytjan Baiahmetovtiń basshylyǵymen tótenshe jaǵdailardyń aldyn alý jónindegi komissiianyń onlain-otyrysy ótti, dep habarlaidy "Ult aqparat".
ShQO Tótenshe jaǵdailar departamenti mamandarynyń málimetine súiensek, óńirde 217 orman órti tirkelgen. Bul kórsetkish ótken jylmen salystyrǵa 50,7%-ǵa artyp otyr. Osynyń saldarynan 4699,01 gektar orman alqaby órtenip ketti. Sondai-aq oblys aýmaǵynda 7 dala órti tirkelgen.
Órt qaýipsizdigin qamtamasyz etý maqsatynda departament jalpy sany 432 adamnan turatyn azamattyq qorǵaý, jergilikti politsiia qyzmeti, orman sharýashylyǵy mekemeleri jáne jergilikti atqarýshy organdardyń arasynan 70 birlesken mobildi top qurdy. Mobildi toptar 601 reid júrgizgen.
Sonyń nátijeleri boiynsha órt qaýipsizdigi talaptaryn buzýdyń 135 jaǵdaiy anyqtaldy.
Onlain-kezdesýdiń ekinshi taqyryby - óńirdiń qys mezgiline daiyndyǵy boldy. Shyǵys Qazaqstan oblysynda jyl saiyn qalyń qar men kóktaiǵaqqa bailanysty joldarda qolaisyz jaǵdai qalyptasady.
Máselen, ótken jyldyń qys mezgilinde oblystyq mańyzy bar joldar 273 ret jabylǵan. 275 adam qar qursaýynan qutqarylyp, 1168 adam evakýatsiialandy. Tótenshe jaǵdai kezinde jedel áreket etý úshin jeke quramnan 2273 adam men 1100 tehnika jumyldyrylǵan.
