ShQO-da «Nur Otan» partiiasynyń tizimindegi úmitkerlerdiń 30%-y áielder, 20%-y jastar, dep habarlaidy "Ult aqparat".
«Nur Otan» partiiasy Shyǵys Qazaqstan oblystyq filialynyń baspasóz qyzmetiniń málimetinshe, aýmaqtyq konferentsiialar partiianyń on bir filialynda, atap aitqanda Semei, Óskemen, Ridder qalalarynda, Abai, Altai, Aiagóz, Besqaraǵai, Zaisan, Katonqaraǵai, Ulan jáne Úrjar aýdandarynda ótti. Sharada 2021-2025 jyldarǵa arnalǵan 5 jyldyq qalalyq jáne aýdandyq sailaýaldy baǵdarlamalar bekitilip, oblystyq konferentsiiaǵa qatysý úshin delegattar sailandy.
«Konferentsiiany ótkizý aiasynda Shyǵys Qazaqstan oblystyq máslihatynyń partiialyq tizimine praimerizge qatysýshy kandidattar arasynda jariia debattar ótti. Kópshilik pikirsaiystar barysynda kandidattar qalanyń, aýdannyń, jalpy óńirdiń áleýmettik-ekonomikalyq damýyna baǵyttalǵan baǵdarlamalardy usyndy», - delingen habarlamada.
Aita keteiik, «Praimeriz» aqparattyq júiesinde jasyryn, elektrondyq daýys berý qorytyndysy boiynsha jeńimpazdar anyqtalǵan. Olardyń arasynda shaǵyn jáne orta biznes, bilim berý, densaýlyq saqtaý, ónerkásip, aýyl sharýashylyǵy jáne úkimettik emes uiymdardyń ókilderi bar.
