Shyǵys Qazaqstan oblysynyń Tarbaǵatai aýdanynda nóser jaýyn saldarynan úilerdi sý basty, dep habarlaidy "Ult aqparat" oblystyq tótenshe jaǵdailar departamentine silteme jasap.
19 shildeniń keshinde Tarbaǵatai aýdanynyń Jańaaýyl aýylynda nóser jaýyn bolyp, saldarynan 10 turǵyn úidi sý basty. Aýyldaǵy sý deńgeii shamamen 20 santimetrdi quraǵan.
Sý basqannan keiin úsh sharýashylyq qurylystyń saman qabyrǵalary jarym-jartylai buzylǵan. Sý basqan úilerdiń turǵyndary – 20 adam týystarynyń úiine jaiǵastyryldy.
Aýdandyq órt sóndirý qyzmetkerleri sýdy motosorǵynyń kómegimen tartyp aldy. Barlyǵy 7000-ǵa jýyq tekshe metr sý soryp alynǵan.
Qazirgi kezde úilerden sý ketti. Komissiia kelgen shyǵyndy anyqtaý ústinde.
