© AP Photo / Dmitri Lovetsky
Shyǵys Qazaqstanda Lenin eskertkishin qulatqandarǵa qatysty tergeý júrip jatyr. Tergeý aiasynda politseiler bolǵan oqiǵanyń mán-jaiyn anyqtaidy, dep habarlaidy Sputnik Qazaqstan YK-news.kz portalyna silteme jasap.
15 tamyzdan bastap Altai qalasynyń ortalyq alańynda qaita qurý jumystary júrip jatty. Jobada Lenin eskertkishiniń tuǵyryn jańartý da qarastyrylǵan. Tuǵyr taqtalary bólshekteldi. Merdigerdiń aitýynsha, qalpyna keltirý kezinde músindi zaqymdamaý úshin alyp tastaýdy usynǵan. Alaida, onyń aitýynsha, jumys kezinde eskertkish "ózi qulap qalǵan".
Al áleýmettik jelilerde Lenin eskertkishiniń júk tiegishke ilingen beinejazbasy tarady.
"Osy fakt boiynsha QR Qylmystyq kodeksiniń 203-babynyń 1-bóligi "Tarih, mádeniet eskertkishterin, tabiǵi keshenderdi nemese memleket qorǵaýǵa alynǵan obektilerdi qasaqana joiý nemese búldirý" boiynsha sotqa deiingi tergeý bastaldy. Jaza retinde úsh jyldan jeti jylǵa deiin bas bostandyǵynan aiyrý qarastyrylǵan", - dep habarlady ShQO politsiia departamentiniń baspasóz qyzmeti.
Qazirgi kúni tergeý júrip jatyr.
