© AP Photo / Dmitri Lovetsky
شىعىس قازاقستاندا لەنين ەسكەرتكٸشٸن قۇلاتقاندارعا قاتىستى تەرگەۋ جٷرٸپ جاتىر. تەرگەۋ اياسىندا پوليتسەيلەر بولعان وقيعانىڭ مەن-جايىن انىقتايدى, دەپ حابارلايدى Sputnik قازاقستان YK-news.kz پورتالىنا سٸلتەمە جاساپ.
15 تامىزدان باستاپ التاي قالاسىنىڭ ورتالىق الاڭىندا قايتا قۇرۋ جۇمىستارى جٷرٸپ جاتتى. جوبادا لەنين ەسكەرتكٸشٸنٸڭ تۇعىرىن جاڭارتۋ دا قاراستىرىلعان. تۇعىر تاقتالارى بٶلشەكتەلدٸ. مەردٸگەردٸڭ ايتۋىنشا, قالپىنا كەلتٸرۋ كەزٸندە مٷسٸندٸ زاقىمداماۋ ٷشٸن الىپ تاستاۋدى ۇسىنعان. الايدا, ونىڭ ايتۋىنشا, جۇمىس كەزٸندە ەسكەرتكٸش "ٶزٸ قۇلاپ قالعان".
ال ەلەۋمەتتٸك جەلٸلەردە لەنين ەسكەرتكٸشٸنٸڭ جٷك تيەگٸشكە ٸلٸنگەن بەينەجازباسى تارادى.
"وسى فاكت بويىنشا قر قىلمىستىق كودەكسٸنٸڭ 203-بابىنىڭ 1-بٶلٸگٸ "تاريح, مەدەنيەت ەسكەرتكٸشتەرٸن, تابيعي كەشەندەردٸ نەمەسە مەملەكەت قورعاۋعا الىنعان وبەكتٸلەردٸ قاساقانا جويۋ نەمەسە بٷلدٸرۋ" بويىنشا سوتقا دەيٸنگٸ تەرگەۋ باستالدى. جازا رەتٸندە ٷش جىلدان جەتٸ جىلعا دەيٸن باس بوستاندىعىنان ايىرۋ قاراستىرىلعان", - دەپ حابارلادى شقو پوليتسييا دەپارتامەنتٸنٸڭ باسپاسٶز قىزمەتٸ.
قازٸرگٸ كٷنٸ تەرگەۋ جٷرٸپ جاتىر.
